ابوذيات للشاعر سعد محمد الحسن البهادلي
اكتلوك وكل تبرت مر فاتك
شري طعم الليالي مر فاتك
اذا انت قطارك مره فاتك
قطاري يفوت كل لحظه عليه
ــــــــــــــــــــــــــــــــــــــــــــــ
ادور تلول حظي بليل تل تل
وشص وكتي بلهاتي حيل تل تل
حمل سود الليالي علي تل تل
يروط وما فلت حمل من أدية
ــــــــــــــــــــــــــــــــــــــــــــ
حمه كلبي وتكلي شبيك شحماه
بسبب شطك علي بالضيج شحماه
غشيم وامنت بزون شحماه
عفه مافاد هذا المثل بيه
ــــــــــــــــــــــــــــــــــــــــــــــ
مزامن ويه كص سري بد الماي
لمه اتبدل حبر روضي بدالماي
نخيت اللي دفع دمه بدل ماي
ونذر روحه ثمن لجل الخويه
ــــــــــــــــــــــــــــــــــــــــــــــــ
الحجايه عليك من تحجي مردهه
ولو روحي ثكل حجيك مردهه
اخوي اعداي من هدت مردهه
مشه لربعي يوز بيهم عليه
ــــــــــــــــــــــــــــــــــــــــــــــــ
بثدايه الحزن عمري مص لحاله
ولا للكون اذعن مصلحاله
اليجهبك يوم لابد مصلحه له
بعد لله ابد ماتلكه جيه
ــــــــــــــــــــــــــــــــــــــــــــــ
همك خلي اشيله كوم كوره
سعير احشاي تلهب نار كوره
عمر خلص لدوي النحل كوره
العسل الهم وشلت الحال اليه
ــــــــــــــــــــــــــــــــــــــــــــــ
ازمه العمر خلصته تلي ازمه
بجلمه الرجل لو رايد تلزمه
حرامي ابيتك يفرهد تلزمه
وينكر لو تحط شهود ميه
ـــــــــــــــــــــــــــــــــــــــــــــــــ
عاف الكلب روحه والتها به
الجرح منه صليله والتهابه
هذاك اللي تقدره والتهابه
طلع ما يسوه ذره من الخويه
ـــــــــــــــــــــــــــــــــــــــــــــ
زحف من شافتك روحي مشت لك
اللساني بحضرة عيونك مشت لك
انه بلب الكلب حالف مشتلك
اخاف عليك من ناري السريه
ــــــــــــــــــــــــــــــــــــــــــــــــــ ــ
عكب عيناك ياهو وك الاشي
بغيابك صار شي كلبي كلا شي
اذا انت صرت كلشي وكلاشي
بعد ماريد كلشي يمر عليه
ــــــــــــــــــــــــــــــــــــــــــــــــــ
تهوم الروح من الجسد تطلع
وباجر عالحرامي الشمس تطلع
اخوي وتالي ويه اعداي تطلع
اعداي اعفو وانت اكصيت بيه
ــــــــــــــــــــــــــــــــــــــــــــــــــ ـ
اضن روحي اتسودن من اهدهه
وتهد سدك دموعي من اهدهه
بعد جيلت عيوني من اهدهه
ونين وشوغة صوابين بيه
ــــــــــــــــــــــــــــــــــــــــــ
وحق القسم بالزيتون بالتين
خلص كلبي واضن ظل بيه بتين
مثل مكروهه جابت توم بتين
وشريجتهه تجيب اولاد هيه
الجمعة يناير 22, 2016 7:23 pm من طرف مدير المنتدى
» وادي الذئاب الجزء العاشر الحلقة 279 الحلقتين 31+32 مترجم HD
الأحد يناير 17, 2016 7:07 pm من طرف مدير المنتدى
» وادي الذئاب الجزء العاشر الحلقة 31 كاملة مترجمة SD
الجمعة يناير 15, 2016 1:10 pm من طرف مدير المنتدى
» انطلاق عملية تحرير البوعيثة بالرمادي
الأربعاء يناير 13, 2016 1:03 pm من طرف مدير المنتدى
» من هو ليونيل ميسي
الثلاثاء يناير 12, 2016 1:10 pm من طرف مدير المنتدى
» ابوذيات للشاعر سعد محمد الحسن البهادلي
الثلاثاء يناير 12, 2016 8:59 am من طرف مدير المنتدى
» اعلان الحلقتين 31+32 (279) من وادي الذئاب الموسم العاشر مترجم
الثلاثاء يناير 12, 2016 8:50 am من طرف مدير المنتدى
» برنامج يجعل مجموعه صور تتحرك كانها فيديو وادخال عليها مقطع صوت
الإثنين يناير 11, 2016 8:33 pm من طرف مدير المنتدى
» أمًوٌر يِحًبًهّـآ آلَرجّـلَ فُـيِ آلَمًرأة أکْثًـر مًنِ شُـکْلَهّـآ
الإثنين يناير 11, 2016 8:29 pm من طرف مدير المنتدى